Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

“Gulxan” bilan hamnafas

Poytaxtimizning Yunusobod tumanidagi 97-maktabda  O‘zbekistonda xizmat ko‘rsatgan  madaniyat xodimi, taniqli shoira Umida  Abduazimova tashabbusi bilan  “Yangi O‘zbekiston yoshlari “Gulxan” bilan  hamnafasmiz” shiori ostida ijodiy  uchrashuv tashkil  etildi.

O‘quvchilar  jurnalda  chop etilgan she’r va  qo‘shiqlardan ijro  etishdi. Xandalar asosida  intermediyalar sahnalashtirishdi. 2022-yilda  jurnalda  o‘qishni istagan mavzulari haqida fikr bildirishdi. Shuningdek,  “Gulxan”ning kelgusi yil nashrlariga   obuna bo‘lganliklarini, jurnal bilan do‘st bo‘lish  istagida  ekanliklarini  aytishdi.

Jurnal mas’ul kotibi, taniqli  bolalar  yozuvchisi  Muhabbat opa Hamidova jurnalning 90 yillik tarixi, bosh muharrir, O‘zbekiston  yozuvchilar  uyushmasi a’zosi Zahro Hasanova  “Gulxan”ning  yangi yil rejalari haqida bolalarga  hikoya  qilib berishdi. Ijodlaridan namunalar o‘qishdi. Jurnalxonlarni   qiziqtirgan savollarga  atroflicha  javob berishdi.

Tadbir yakunida uchrashuvda  faol qatnashgan o‘quvchilarga “Gulxan” jurnallari  sovg‘a  qilindi.

 

Sanamjon Ro‘zmetova,

Ona tili va adabiyoti o‘qituvchisi

2016–2023 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.