Keyingi yillarda turli yo‘nalishlarda natijalarga erishgan o‘quvchilar uchun  imkoniyat eshiklari ochilmoqda.  Bunga misol qilib Toshkent shahar Yakkasaroy tumanidagi 73-maktabning 4-sinf o‘quvchisi Muzaffarov Ulug‘bekning qo‘lga kiritgan yutug‘ini aytishimiz mumkin. Ulug‘bek xalqaro hamkorlik doirasida Malayziya davlatidagi Sultan Idris ta’lim universiteti qoshida tashkil etilgan “Til kursi”da o‘z bilimini yanada mustahkamlab kelishga yuborildi. O‘n kun davom etgan bu treningda Xitoy, Hindiston, Qirg‘iziston va yana bir qancha davlatlarning ingliz tiliga qiziqqan bolalari qatnashdi. Onasi Elvira Tursunnazarovaning aytishicha, Ulug‘bek bir nechta  xorijiy tillarni yaxshi biladi. Malayziya safaridan keyin farzandining o‘ziga bo‘lgan ishonchi yanada ortgan, dunyoqarashi kengaygan hamda shu universitet sertifikatiga ega bo‘lib qaytgan.

Gulxanjon