Jurnalist de­­ganda o‘z ishi­­­­­­ning mohir us­­­­ta­si, har qanday  va­­ziyatga xolis yondasha ola­digan, insonlarga yordam bera­digan, ado­latparvar, yan­­gi­liklarga intiluvchan, iz­lanishdan charchamaydigan, nutqi ravon, notiq, jamiyatning ilg‘or kishisi ko‘z oldimga keladi. O‘ylaymanki,  bu xislatlarning ham­masi jurnalistda bo‘lishi shart. Sababi, jurnalistlar xalq bilan ishlovchi, odamlarning ko‘plab muammolarini o‘rganib, ularga aniqlik kirituvchi, vaziyatni talqin qiluvchi, insonlar bilan aloqa o‘rnatishda yetakchi, o‘rnak bo‘luvchi shaxsdir.

Men ko‘plab teleboshlovchilar ishi­ni qiziqish bilan kuzatib boraman. Masalan, Muslimbek Yo‘ldoshev, Nilufar Sotvoldiyeva, Jamshid Umirzoqov, Dildora Rustamova, Jahongir Olimov, G‘olib To‘ychiyev. Ulardan o‘zimga jurnalistik saboqlar olaman. Bu kasb egalari xalqning quvonch-u tashvishlariga sherik insonlardir. Sohani egallash uchun o‘qish, tinimsiz izlanish kerakligini ham yaxshi bilaman.

Odamlar matbuotga katta umid bilan qaraydilar, ko‘ngillaridagini yozadilar.

Men, ayniqsa, O‘zbekiston telekanallari orqali berib boriladigan muhokamali mavzularni qiziqish bilan ko‘rib boraman. Ijodkorlar muammolarni hal qilish uchun soha mutaxassislarini jalb qilib, ular orqali savollarga javob beradilar, yechim izlaydilar va bu bilan xalqimiz dardiga davo topadilar.

Marjona ABDULLAYEVA,

Toshkent viloyati Oqqo‘rg‘on tumani 27-maktab 11-sinf