Bahor kelgach o‘lkamga, qochdi sovuq zirillab,

Endi iliq shamollar kezar yurtda gurillab.

Gullab yana butoqlar, shonà ochib boychechak,

O‘tloqlarda yayrashar chigirtkalar chirillab.

Olis-olis yurtlardan qaytar qushlar galasi,

Oldin keldi marraga qaldirg‘ochlar pirillab.

Kezib dala-qishloqni, kuylab yurar hakkalar,

Bo‘lar-bo‘lmas ovqat yeb, tomog‘i sal xirillab.

Bahor kelgach o‘lkamga, qochdi sovuq zirillab,

Endi iliq shamollar kezar yurtda gurillab.

Chaman bo‘lib tog‘larda ochilganmish lolalar,

Soz bo‘lardi hammamiz borib kelsak g‘irillab.