Yaqinda “Gulxan” jurnalidagi “Partadosh qanday tanlanadi” maqolasini o‘qib chiqdim. Haqiqatdan partadoshning to‘g‘ri tanlanishi o‘quvchining bilimi oshishida, iqtidorini namoyish qilishida muhim o‘rin tutarkan. Mening partadoshim Qamariddin sinfimizning a’lochi o‘quvchilaridan. Unga qarab chiroyli yozishga, barcha fanlardan a’lo baholar olishga harakat qilib, a’lochi o‘quvchilar safiga qo‘shildim. Do‘stim Qamariddin bilan vaqtimizni behudaga sarflamaymiz, bo‘sh vaqtlarimizda shashka, shaxmat o‘ynaymiz. Sinfdoshlarimiz bizning ahilligimiz, uyga vazifalarni bir-birimizga og‘rinmay tushuntirishimizni ko‘rib havas qilishadi.

Islomjon RO‘ZIBOYEV,

Xorazm viloyati Yangiariq tumani

19-maktab 3-sinf o‘quvchisi