8-Mart – Xalqaro xotir-qizlar kuni munosabati bilan Yangi O‘zbekistonni barpo etish, xalqimiz farovonligini yuksaltirish yo‘lida samarali mehnat qilayotgan eng faol, tashabbuskor xotin-qizlar davlatimizning yuksak mukofotlari bilan taqdirlandi. Ular safida kichik yoshdagi bolalarning adabiy-badiiy bezakli respublika jurnali “G‘uncha”ning bosh muharriri O‘zbekiston Yozuvchilar uyushmasi a’zosi, Xalq ta’limi a’lochisi Dilfuza SHOMALIKOVAning bor­ligi, uning “Shuhrat” medali bilan mu­kofotlangani bizni nihoyatda quvontirdi.

Dilfuza Shomalikova uzoq yillar mehnat faoliyati davomida turli gazeta va jurnallarda ishladi. Mana 16 yildirki, adabiyotning beg‘ubor olamida jajji bolajonlarni ma’naviyat va ma’rifat bo‘stoniga yetaklamoqda. U ijodkor sifatida bugunning bolasiga nimalar kerakligini yaxshi biladi. Shu davrda “G‘uncha” sifat jihatdan zamonaviy qiyofaga kirdi, mazmunan boyidi, yangi ruknlar qo‘shildi.

D.Shomalikova “Onam yopgan non”, “Tuproq o‘y­nayotgan bola”, “Zag‘izg‘onning arg‘im­cho­g‘i” kabi hikoyalar to‘plami muallifi.

Yozuvchining hikoya, ertak, maqolalari bilan tanishar ekansiz, jannatmakon yur­timizning betakror manzaralari ko‘z oldin­gizda gavdalanadi, ko‘klamning ovozi qu­log‘ingizga chalinadi. Tandirdan yangi uzilgan non isini tuygandek bo‘lasiz. Qushlar chug‘uri, fasllar nafasini sezasiz.

Biz Dilfuza opani yuksak mukofot bilan tabriklaymiz, sihat-salomatlik, ijodiy parvoz tilaymiz!

“Gulxan” jamoasi