Sog‘lom bola kim o‘zi,

Qandaydir gapi, so‘zi?

Uch dugona, uch o‘rtoq

Bahsga kirishdi quvnoq.

Lola boshladi bahsni,

Diliga tugib ahdni.

– Bilimli bola sog‘lom

Bahsga o‘rin yo‘q tamom.

– Bilim emas yo‘q-yo‘q-yo‘q

Sog‘ jismimdan ko‘nglim to‘q.

Shudir mening boyligim,

Shundandir chiroyligim.

– So‘zlar rost, – dedi Ra’no,

Har birida bor ma’no.

Lek savolga mos javob

Topgandayman men shu tob:

Sog‘ tanda – sog‘lom aql,

Bobolardan bu naql.

Kimki sportga oshno,

Ilmga bo‘lar tashna.

Sog‘lom aql – sog‘lom tan,

Chin boylik ekan bilsam.

Sitora ABDURAHMONOVA,

Qashqadaryo viloyati Qamashi tumani 63-maktab 9-sinf