Aziz  bolajonlar!

Sizlarni boshlanayotgan yangi – 2022-2023-o‘quv yili   bilan  chin  qalbimdan   muborakbod  etaman!

Yozgi  ta’tilda maroqli  hordiq  chiqarib, sentyabrni, maktab boshlanishini, qadrdon  do‘st-u dugonalar bilan uchrashishni in­tiq­lik  bilan  kutganingiz aniq. Sevimli  va  qadrli ustozlaringizni, sog‘inganingiz mash­g‘ulotlarini  qo‘msaganingiz ham bor gap. Bu  tabiiy, albatta. Chunki ustoz-murabbiylaringiz sizning ong-u shuuringizga, qalbingizga  ezgulik  urug‘ini  sochuvchi, yo‘lingizni  yorituvchi  porloq  kelajakni ko‘rsata  olgan  ziyokorlardir .

Sharqshunos  olim  Kindiyning  fikricha, insonda  ijobiy  sifatlarni  tarkib  toptirishning  eng zarur omili – aql  kuchining  rivojlanishidir. Bu  esa  ta’lim-tarbiya  orqali  amalga  oshiriladi. Ta’lim-tarbiyaning  ilk  poydevori  ota-ona,   qolaversa, ustoz-murabbiylar yordamida  quriladi. Shu  bois, aytmoqchimanki, aziz  bolajonlar, ota-ona va  o‘qituvchilaringiz o‘gitlariga amal  qiling. Siz ularning  orzu-umidlarini  ro‘yobga  chiqaruvchi siz. Buni  esdan  chiqarmang!

Siz zamonaviy  ilm-fan, yuqori  texnologiyalarni  egallagan  ustozlar qo‘lida  tahsil  olar ekansiz, har  soniyani  qadrlang.

Aziz  o‘quvchilar!

Ishonamanki, siz  Yangi  O‘zbekistonning o‘zgacha qiyofasini  yaratishda  jonbozlik  ko‘rsatasiz. O‘z iqtidoringiz, mehnatingiz, yangicha yogdashuvingiz-u tashabbuskorligingiz  bilan  barchaga  namuna  bo‘lasiz.

Nigora SAIDXODJAYEVA,

O‘zbekiston Respublikasi Xalq o‘qituvchisi

Toshkent shahar Sergeli tumanidagi

300-maktab direktori