O‘rmondagi barcha qushlar  ulkan maydonga yig‘ilib  o‘zlariga  podshoh saylamoqchi bo‘lishdi. Shunda  Tovus: – Meni saylanglar! Qarang, men naqadar chiroyli va kelishganman, – dedi. Ko‘pchilik  uning taklifiga rozi ham bo‘ldi. Shu payt  Zag‘cha  o‘rnidan  turib dedi:

– Agar sen podshoh bo‘lsang-u,  to‘satdan  burgut hamla qilib  qolsa,  bizni qanday himoya qilasan?!

Tovus nima deyishni bilmay orqaga tislandi.

Qissadan hissa: hukmdorni husn emas, iqtidor – qudrat bezamog‘i kerak.

Ezop