Ilm, Navoiy, senga maqsud bil,

Emdikim ilm oʻldi, amal aylagil.

     ***

Befoyda soʻzni koʻp aytma,

Foydali soʻzni koʻp eshiturdin qaytma.

     * * *

Chin soʻzni yolgʻonga chulgʻama,

Chin ayta olur tilni yolgʻongʻa bulgʻama.

     * * *

Ki har ishniki qildi odamizod,

Tafakkur birla bildi odamizod.

     * * *

Gavhar-u durni quloq ozori bil,

Soʻzni quloqning duri shahvori bil.

     * * *

Kamol et kasbkim, olam uyidin,

Senga farz oʻlmagʻay gʻamnok chiqmoq.

     * * *

Kimniki inson desang, inson ermas,

Shaklda ham feʼlda yakson ermas.

     * * *

Maʼdani inson gavhari soʻz durur,

Gulshani odam samari soʻz durur.

     * * *

Nafʼing agar xalqqa beshak durur,

Balki, bu nafʼ oʻzingga koʻprak durur.