Aka:

– Oʻqimayman bas,

Kitob kerakmas.

Charchadi koʻzim,

Shu soʻnggi soʻzim.

Singil:

– Hay aka, aka

Boʻlmay kalaka,

Darsni tugating,

Soʻng mayli yoping.

Aka:

– Darsga yoʻq xushim,

Koʻpdir yumushim.

Kutayapti toʻp,

“Meni tepgin”, deb.

Singil:

– Dala, togʻ oshib,

Toʻp ketmas qochib.

Vaqt turmas kutib,

Boʻlmaydi tutib.

Aka:

– Boshim qotirma,

Oʻyga botirma.

Aytma oyimga,

Meni koyima.

Singil:

– Oʻqish burchimiz.

Asl ishimiz.

Oʻyinga shoshmang,

Yoʻldan adashmang.

Aka-singil:

– Ishonchni oqlab,

Kitobni yoqlab,

Oʻqiymiz aʼlo.

Har ishda dono.

Muhabbat HAMIDOVA