Tanbeh

Koʻrsichqonning uyqusini

Buzdi noxush tovushlar.

– Voydod, bas qil, hatto sendek,

Gupirlamas kovushlar.

Hech uxlashga qoʻyasanmi,

Yer tepinar oyogʻing.

Shuncha uzun boʻlsa hamki,

Eshitmaydi qulogʻing.

Maslahat

Koʻpqavatli daraxt uyda

Kun kechirar olmaxon.

Unga havas bilan boqib,

Dedi och tipratikan:

– Derazadan qarab turma,

Foydang tegsin doʻstga ham.

Mevalarni uzib-uzib,

Biz bilan koʻrgin baham.

Naima ANVAROVA,

Oʻzbekiston Milliy universiteti talabasi