Farg‘ona viloyati Qo‘qon shahridagi 6-IDUM­da adabiyotga havasmand o‘quv­chi­lar ko‘p. Ular taniqli bolalar shoiri So­bir Jabbor rahbarlik qilayotgan adabiy to‘­garakda ijod sirlarini o‘rganib, rang-barang mavzularda she’r, hikoyalar yozishmoqda.

Ijodkor o‘quvchilarimizning mashqlaridan yo‘l­lar ekanmiz, ular jurnalxonlarni befarq qoldirmaydi, degan umiddamiz.

Sur’at

Sur’at jur’atli bola,

A’lo o‘qir maktabda.

U har kuni “5” olar,

Bilim olib kitobdan.

Bilaman, siz  bilimda

Sur’atdan ham o‘zasiz.

Sizga xo‘p ma’qul bo‘lgan,

So‘zni ravon yozasiz.

Risolatxon ZINNUROVA,

4-sinf

***

Vaqt – g‘animat

Bu kunlarni kutardim intiq,

Bu kunlarga yetdim, zerikdim.

Va aytaman ochiqdan ochiq,

Zeriktirdi loqayd sheriklik...

Zavqli kunlar qadriga sen yet,

Vaqt g‘animat, umr esa oz...

Sen o‘zingdan nom qoldirib ket,

Yashab o‘tgin insonlarga xos.

Robiyaxon MUHSINOVA,

 5-sinf

***

Kuz

Havo ochiq, osmon charog‘on,

Tilla barglar yelda shovullar.

Mevazorda ter to‘kar bog‘bon,

Kelgusi yil hosilin o‘ylar.

Mohlarbegim USMONOVA,

 5-sinf

***

Tilak

Kitob o‘qib tolmayman,

Izlanaman – izlayman.

O‘qib-uqib men doim,

Kelajakni ko‘zlayman.

Shuning uchun tinmasdan

Hayotni kuzataman.

Hatto kichik xabarda

Nuqsonni tuzataman.

Qalam bilan lafzim bir,

Shirin orzu qilaman.

Kelajakda men jasur,

Jurnalist qiz bo‘laman.

Shukrona AKRAMJONOVA,

5-sinf