Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Gʻildirak

Bir vaqtlar gʻildirakni

Dumalatib yurardim.

Koʻchada gʻizillatib,

Dadil javlon urardim.

 

Goh oʻng qoʻl, goh chap qoʻlda

Aylanardi gʻildirak,

Qishloqni gir aylanib,

Chiqar edim pildirab.

 

Soʻng juftgʻildirakli – shayton

Aravada xoʻp uchdim.

“Ichak-chovogʻin” ochib –

Yigʻib, suv qilib ichdim.

 

Ballon, shassi, motorni...

Rosa qunt-la oʻrgandim.

Miyaga muhrlandi

Oʻqigan, koʻrganlarim.

 

Bilimlarni egallab,

Yurgum dadil koʻkarib.

Endi toʻrtta gʻildirak

Uchar meni koʻtarib.

 

Moʻmin Avaz

2016–2020 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.