Kitob oʻqib, “Spark” yuting,

Kitob zardir – ziyodir.

Oʻqiganlar kam boʻlmas,

Tilsimga boy dunyodir.

Kitob hayot mazmunin

Chizib berar, bilib qoʻy!

Anglamoqchun dunyoni

Kitob oʻqi, surma oʻy.

Kitob bilsang, yoʻl boʻlar,

Hamma ishga qoʻl boʻlar.

Yoʻqotganing topasan,

Senda aql moʻl boʻlar.

Tilingning burroligi,

Zehningni zukkoligi.

Kitobni xush koʻrishdan,

Mulohaza qilishdan.

Balki, shartmas “spark” yutish

Fozilliging yutugʻing.

Davralarda ajralib,

Tursang nurlanar tugʻing!

Tanlovlarning turi koʻp

Sohalarga yoʻgʻrilgan.

Xohish boʻlsa bellashgin,

Omad oqilga kulgan.

Ey, davrimning zukkosi

Uygʻoq boʻlgin hayotda.

Sen ulugʻlar yurtining

Davomchisi, albatta.

Nabijon Ermat