Yurt tuyg‘usi aslida

Yuraklarda yashaydi.

Osmoni tinch, osuda

Tilaklarda yashaydi.

Qizmi yoki o‘g‘lonmi,

Vaqtida tarbiyalang.

El-yurt berar bahoni,

Tarbiya ham ulug‘ jang...

Riyokorlik, yolg‘ondan

Himoyalang bolani.

Quruq ketmang jahondan,

Yaxshidan bog‘ qoladi.

Har bir uyda, maktabda

Bo‘lsin go‘zal himoya.

Saboq olsin kitobdan,

Beparvolik – jinoyat...

Ilm – inson bahosi –

Ajdodlardan meros zar.

El-u yurtning dahosi,

Bolalikdan boshlanar!

Sobir Jabbor