Ayni kunning yarmida,

Yomg‘ir yog‘di to‘satdan.

Tabiat ham ajoyib,

Mo‘jizasin ko‘rsatgan.

Yashnab ketdi dala, bog‘,

Shitir-shitir ovozdan.

Hasharotlar hayratda,

Qush to‘xtadi parvozdan.

Yomg‘ir tindi birpasda,

Quyosh oldi o‘z joyin.

Osmon birdan tovlanib,

Ko‘z-ko‘z qildi chiroyin.

Yetti xilda kamalak

Samo uzra jilmaydi.

Yuvildi chang, g‘uborlar,

Shamol to‘zon qilmaydi.

Jilosini sevaman,

Porlab tursa kamalak.

Yomg‘ir yog‘sa yo‘liga,

Bo‘laman-da men halak.

Niginabonu Amirova,

Samarqand ixtisoslashtirilgan san’at maktab-internati 8-sinf