Bo‘lar edim har doim

Odamlarning qo‘lida.

Qatorlashib turardik,

Javonlarning to‘rida.

Endi esa ahvolim

Bo‘lib qoldi ko‘p xarob,

Bugungi kun bolasi

O‘qimay qo‘ydi kitob.

Ko‘rsam edi dunyoni

Mayli bo‘lsa, kandikda.

Do‘stim, aytsam joyimni,

Yashayapman sandiqda.

Shunday do‘stim – gazeta,

Menda ahvol ko‘p chatoq.

Xabarimni olsang, tez

Javob qaytargin, o‘rtoq.

“Do‘stim kitob, shukur qil,

Sandiqda ham boringga.

Lek qoyilman, bu uyg‘oq

Vijdoningga, oringga.

Shukr degin, birodar

Chegaradan hatlama.

Meni ko‘r, o‘qimasdan

O‘raydilar qatlama!

Muhammad Rasul MAMATQULOV,

Andijon viloyati Andijon tumani

10-maktab 11-sinf