Qo‘shiqlar ko‘p dunyoda,

Tog‘-toshlarni yig‘latgan.

Qo‘shiqlar ko‘p dunyoda,

So‘qir qalbni uyg‘otgan.

Men bir qo‘shiq kuylasam,

Baxtim kulib, bog‘ bo‘lgay.

El-u yurtim mehridan,

Ko‘ksim qalqon tog‘ bo‘lgay.

Yangi fikr, yangi so‘z

Mustaqil zabonimda.

Ilm-u ma’rifat g‘olib,

Hur, ozod zamonimda.

O‘zligin topgan xalqim,

Bir bayroq ostida jam.

Qalbdan qalblarga ko‘chib,

Mangu yangrar madhiyam!

Farog‘at XUDOYQULOVA