Ko‘klam kelgach boshlanar,

Qushlarning xush sayrashi.

Gullarning xilma-xil-u,

Rang-barang tovlanishi.

Dalalarda ketma-ket,

Ishlarning boshlanishi,

Bahorning har nafasi,

Hayotga arzigulik!

Qamashtirar ko‘zlarni

Kamalak tovlanishi.

Ariqlarda suvlarning

Tinishi, loylanishi.

To‘xtagay chorbog‘larda,

Qarg‘alar zorlanishi.

Bahorning har nafasi,

Hayotga arzigulik!

Uyg‘onishdan darakdir

Ko‘kda chaqmoq chaqishi.

Bulutning ko‘z yoshlari,

Zamin uzra oqishi.

Gullar shirasiga o‘ch

Arilar vizillashi.

Bahorning har nafasi

Hayotga arzigulik.

Sabina XUSHMURODOVA,

Samarqand viloyati Ishtixon tumani

10-maktab, 9-sinf