Sen bolam, deb qarib boryapsan,

Ranglaring sarg‘ayib boryapsan,

Qishloqning tosh chag‘ir yo‘lida,

Bir muztar, bir g‘arib boryapsan.

Balki men cho‘ktirdim yelkangni,

Yuraging osmondan ulkanmi?

G‘amlarning shamoli to‘zg‘itdi,

Senday tik, senday oq yelkanni.

Ey mening ordan ham orligim,

O‘zimning o‘zimga dorligim,

Toabad ichimni tirnaydi,

Shamollar ichida borligim...

Guljamol ASQAROVA