Onlayn dars tartibi

Dangasaga xush keldi.

Darsin qilsa-qilmasa,

Puch bahosi – “uch” boʻldi.

Mana sakkiz oydirki

Taʼtili etar davom.

Bu yurishda dangasa

Qanday oshadi dovon?!

Sinfdan sinfga koʻchsa-da

Bilimsiz, yalqov boʻlar.

Garchi boʻyi oʻssa-da

Aqli past, anqov boʻlar.

Bundaylarga qatʼiy soʻz –

Koʻzingni kattaroq och.

Bilimdonlarga ergash,

Yalqovlikdan nari qoch!

Z. Hasanova