Hilpirayver boshimiz uzra,

Xuddi tovus misoli bayroq!

Qalbimizni huzurga toʻldir,

Senga mehrim dil toʻla qaynoq,

Erkimizning timsoli – bayroq.

Yulduzlaring – iymon, sadoqat,

Erk birla baxt, boqiy saodat.

Baxsh aylading gʻurur beadad,

Sururimiz oʻzingsan abad,

Baxtimizning timsoli – bayroq!

Har rangingda bor chuqur maʼno,

Yam-yashili kelajak – aʼlo.

Oppoq rangi – tuganmas ziyo,

Havo rangi – osmon musaffo,

Aytar bugun oʻgʻlim va qizim –

Baxtimizning timsoli – bayroq.

Shayx Kubroning matonatlari,

Buxoriyning ibodatlari,

Qurbonjonning shijoatlari,

Uvaysiyning malohatlari

Asli sening kamoling – bayroq.

Ona yurtim, mangu boʻl omon,

Madhing ila toʻlsin keng osmon,

Bayrogʻingga boqqanda jahon,

Doʻstlar yuzi boʻlsin nurafshon.

Baxtimizning timsoli – bayroq,

Yashna tovus misoli bayroq!

Temur Ubaydullo