Qulog‘ingga gapim bor,

Kelaqolgin qizgina.

Keragin ol, boshqasin

Unutaqol tezgina.

Odob bilan so‘zlasang,

Obro‘ying oshgay, albat.

Ozoda bo‘l, chaqqon bo‘l,

Taltaymagin-a hech vaqt.

Mayda o‘rib sochingni,

O‘sma qo‘ygin, go‘zalim.

Kumushdek suluv qizni

Yodga solgin, go‘zalim.

Onangning o‘gitini

Unutmagin sira ham.

Ona duosin olgan

Dunyoda bo‘lmaydi kam.

Muattar ALIMBEKOVA,

Mirobod tumani 214-maktab