Salom, jonajon maktab,

Tabarruk makon, maktab!

Qalbga ilm nurin sochgan,

Bamisli oftob maktab!

Chorlading quchog‘ingga,

Keldik bilim bog‘ingga,

Munis ona misoli

Bizga mehribon, maktab.

Nur taratgan shamsimon,

Ilm bog‘iga bog‘bon,

Ustozlar ta’lim berar,

Biz niholsimon, maktab.

Qancha buyuk insonlar,

Alloma-yu jahonlar,

Senda olishgan ta’lim,

Sen – nurli bo‘ston, maktab!

Eshniyoz BURXONOV,

Qashqadaryo viloyati Chiroqchi tuman 34-maktab