Bog‘bon bobo, ko‘nglingiz

Og‘ritib qo‘ydim biroz.

Sho‘xlik qilib, pishmagan

Olmangiz to‘kkanim rost.

Tan olaman, eshitmay,

Tinglamayin dodini.

Bexos sindirib qo‘ydim

Behining qo‘sh shoxini.

Yong‘oq meni sotdimi?!

O‘zi avval bilgandim.

Ko‘tarmabdi-da nomard

Bitta hazil qilganim.

Yomonlikdan men yiroq,

Siz qarg‘amang, iltimos!

Sal o‘jarroq, sal quvnoq –

Tabiatim shu biroz.

Ne bo‘lsa bo‘ldi, bobo,

Izza qilmang, do‘q urib.

Xazon to‘la hovlingiz

 Qo‘ydim, axir supurib.

Jamoliddin Qilichov,

Andijon davlat universiteti

filologiya fakulteti

2-bosqich talabasi