Bedanam

Ertalabdan uyg‘otar

Bedanamning ovozi.

Ovozidan tong otar

Bo‘lganday undan rozi.

Maktabimga doimo

Kechikmasdan boraman.

Bedanam borligidan

Mag‘rur bo‘lib yuraman.

Sayravergin bedanam,

To‘xtab qolma hech qachon.

Ovozing jarangidan

Yangrasin jumla jahon.

Namoz Eshpo‘latov,

7-sinf

 ***

Singlim

Qo‘g‘irchog‘in o‘ynaydi singlim,

Sochlarini taraydi singlim.

Yuvintirib, kiyintirar u,

Bundan rosa yayraydi ko‘nglim.

U oyimga havas qiladi,

Qo‘g‘irchoqqa mehrin beradi.

Shak-shubhasiz, ona bo‘lganda

Bolalarin jondan suyadi.

Laylo Ziyoqulova,

5-sinf

***

Yeb qoʻydi

Qo‘zichog‘im qo‘zichoq,

Irg‘ishlar shodon, quvnoq.

Uni yaxshi ko‘raman,

Birga o‘ynab yuraman.

Mehrim toshib qay kuni,

Sovg‘a qilsam guldasta.

Qo‘zichoqqinam uni

Yeb qo‘ydi-ya birpasda.

***

Joʻjalar

– Jo‘jalar, hoy jo‘jalar,

Chirqillamang bunchalar.

Onamiz yo‘q, demangiz,

Sira ham  g‘am yemangiz.

Yoningizda men borman,

Do‘st bo‘lishga tayyorman.

Beraman sizga suv, don

Hamda mehr begumon.

Asila Aliboyeva,

5-sinf

***

Kalamush

Ey kalamush, kalamush,

Keltiribsan ko‘p tashvish.

Kovushim kemiribsan,

Tekin yeb semiribsan.

Nafsing bo‘lgan-chun o‘pqon,

Jazongni bersin qopqon.

Xonsuluv Jo‘raboyeva,

5-sinf