Tinmay tun-u saharda

Bizga bag‘rini ochib,

Turar u chorrahada,

Ko‘zlarin yumib-ochib.

Uxlamaydi kun-u tun,

Hatto, bo‘lmaydi bemor.

Ko‘rsatar yo‘lni beun,

U tahsinga sazovor.

Uchta rangli ko‘zi bor,

Svetofor doim bedor.

Issiq, sovuq demaydi,

Yoz-u qishni bilmaydi.

Qizil rangi yonsa gar,

Yo‘llar yopilgay shu choq.

Yonsa sariq ko‘z agar,

Kerakdir biroz kutmoq.

Yashil yonsa-chi magar,

Yurgaysiz, yo‘llar oppoq.

Qilsangiz katta safar,

Doim shay rangli mayoq.

Uchta rangli ko‘zi bor,

Svetofor doim bedor.

Munira ESHONQULOVA,

Toshkent viloyati Bekobod tumani 45-maktab o‘qituvchisi