Go‘yo ko‘kka ustun tog‘,

Kiygan suvsar, oq qalpoq.

Cho‘qqilari o‘rkachdek,

Tosh gavdasi keng, yalpoq.

Ko‘ksin bezar alvon gul,

Kiftin archa – to‘nlari.

Sho‘x qo‘shiqlar aytadi

Shalola – fontanlari.

Har harsangi ming botmon,

O‘rtasida nil hovuz.

Butalarning tagiga

In qo‘yishgan g‘oz, tovus.

O‘tzorlarda chiyovlar

Qirg‘ovul-u tustovuq.

Ba’zan quyosh yilt etar,

Ba’zan tushar tez sovuq.

Chodir – uyni ivitib,

Savalaydi sel, jala,

Hurkib kiyik, jayronlar

Qochishar gala-gala.

Qudrat HIKMAT