Biz gul boʻlsak, u chaman,

Biz uchun aziz maskan –

Unga fido jon va tan.

Budir muqaddas...

(Vatan)

***

Oppoqqina betlari,

Hoshiyador chetlari.

Qanotli, misli kaptar,

Doʻstlar, axir bu...

(Daftar)

***

U bamisli oftobdir,

Tafakkurga xitobdir.

Javondagi javohir,

Yurakdagi shitobdir,

Bolajonlar, axir bu –

Bizga sirdosh... dir.

(Kitob)

***

U bois qogʻozda jam,

Goʻzal va cheksiz olam.

Tugab borar misli sham

Bilsangiz, udir...

(Qalam)

***

Tun boʻyi porlab koʻzi,

Dam olgaydir kunduzi.

Toping, bu nima oʻzi,

Budir koʻkning...

(Yulduz)

***

Turfa rangda tovlanib,

Suv sepish-la ovvora,

Jaziramada bizni

Rom aylaydi tobora.

Bu-chi, jajji doʻstlarim

Musiqali...

(Favvora)

Zikrilla Neʼmat