Bir kam dunyo butundir butun,

Yuraklardan yechildi tugun.

Koʻngillar shod, chehralar gulgun,

Mustaqillik – Olloh neʼmati,

Yasha, yuksal, Oʻzbek Davlati!

Qargʻa, zogʻlar solmagay soya,

Orzularga yoʻqdir nihoya.

Avlodlarga boqiy hikoya,

Sharaflidir inson mehnati

Yasha, yuksal, Oʻzbek Davlati!

Jahon boʻylab koʻchmoqda shoning,

Muqaddassan – haloldir noning,

Farzandlaring – qilich, qalqoning.

Oʻzbekiston – olam jannati

Yasha, yuksal, Oʻzbek Davlati!

Azim Suyun