Ota-ona va ustoz,

Etgum sizlarni e’zoz!

Mehringiz dilga payvand,

Bo‘lgum men oqil farzand!

Yurtimga bo‘lib sodiq,

Bor bilmim etgum tortiq!

Kerak bo‘lsa Vatanim,

Tinchi uchun jon-tanim!

Bergum etib himoya,

Dushman solmasin soya!

Niyatlar ulkan, katta,

Ulg‘ayaman albatta!

Bo‘lib jasur, mard o‘g‘lon,

Yurtga bo‘lgum, men posbon!!!

O‘tkir DAMINOV,

Qashqadaryo viloyati Muborak tumani

33-maktab o‘qituvchisi