Yuragimning huzuri,

Dilimga orom – Vatan,

Sho‘xliklarimning uzri,

Beg‘uborligim – Vatan.

Sensan qalbimga malham,

Ma’yusligim oluvchi.

Shodliklarga burkanib,

Dilga quvonch soluvchi.

Bayrog‘ingni ko‘klarga,

Ko‘tarayin men o‘zim,

Xizmatingga shaydirman

Yurakdagi chin so‘zim.

Ona Vatan, tuprog‘ing,

Asragum ko‘zga surtib,

Tog‘dek g‘urur va sha’ning,

Yelkamga bardam ortib.

Yuragimning huzuri,

Dilimga orom – Vatan...

Mahzuna HABIBOVA,

Guliston davlat universiteti talabasi