Olimpiada gʻoliblariga

Gʻururim, iftihorim,

Shiddat-u shahding qutlugʻ!

Jahonni lol aylagan

Shon-sharaf – ahding qutlugʻ!

Yo pirim, degan vaqting

Zamin-samo esh boʻldi.

Xalq joʻshdi yuragingda,

Yurting koʻz-u qosh boʻldi.

Qoningda vatan sening,

Oningda vatan sening,

Nomingda vatan sening,

Shoningda vatan sening...

Muzaffar, gʻolib oʻzing,

Vatan jamoli – yuzing.

Oq sutdek halol tuzing,

Bardavom boʻlsin izing.

Poyingga gullar toʻshar

Chamanzor Oʻzbekiston.

Yelkangga qoqib qutlar

Qadimiy bu Turkiston.

Oliy baxt – farzand baxti –

Vatanim, baxting qutlugʻ!

Choʻqqiga tikding bayroq –

Shohsupa – taxting qutlugʻ!

Dilafroʻz CHORIYEVA