Bolalikning dunyosida

“To‘y-to‘y” o‘ynab tugunchalar,

Shirin bo‘lar non-kulchalar.

Chamandagi gul-g‘unchalar,

Bolalikning dunyosida.

Yog‘och otlar tolmaydilar,

Tunda uxlab qolmaydilar,

Qovoqlarin solmaydilar,

Bolalikning dunyosida.

Ona tilim

She’rdan tuzsam guldasta,

Chamanim ham gulimdir.

Yashnar ko‘nglim bog‘lari,

O‘zbek ona tilimdir.

Xush yoqadi kalomi,

Obod sahro, cho‘limdir.

Olgan davlat maqomin,

Aziz ona tilimdir.

Rustambek TUROPOV