Yugurib-yelib Quyon

Yerga yiqildi yomon.

Ilon xaxolab kuldi,

Buni xo‘p qiziq bildi.

O‘rnidan turgach quyon,

Yuz burdi ilon tomon.

Va gap boshladi sekin:

– Xunuk ish qilding lekin.

Axir, senda yo‘q oyoq,

Yurolmaysan-ku mutloq!

Yurish zavqin bilmaysan,

Hattoki his qilmaysan.

Iz solib ilang-bilang,

Sudralasan-ku arang!

Birov holidan kulish,

Bilsang juda xunuk ish.

– Ilon juda uyaldi,

Vishillab jo‘nab qoldi.

Arujan Suleymanova,

Toshkent viloyati Bo‘stonliq tumani 38-maktab 11-sinf o‘quvchisi