Yurtda yoshlar yozsa dil,  pinhona qilgayman  havas,

Baxt-u taxtingiz erur, shohona qilgayman havas.

Kuylasam  dil torida, so‘z yo‘q ekan  izhorida,

Zavqlanib gulzorida mastona qilgayman  havas.

Jo‘sh  urib ishq qonida, mehr-u muhabbat yonida,

Ezgulik karvonida har yona qilgayman  havas.

Dilda yor bo‘lgan zamon, baxt-u bahor bo‘lgan zamon,

Qo‘lda tor bo‘lgan zamon, imkona qilgayman havas. 

Ey mening osmonlarim, dil bog‘ida posbonlarim,

Tinchligim,  qo‘rg‘onlarim, parvona qilgayman  havas.

O‘zbekiston o‘rni bor, yoshlarga baxt bergan diyor,

Sizga barcha e’tibor,  shodiyona qilgayman havas.

Toleingiz kulganim, dunyo kezar til bilganim,

Ko‘kka bayroq ilganim, do‘stona qilgayman havas.

Yoshligim yutgan dala, ko‘z yoshlarim qilgay jala,

Turnalar uchgay gala, osmona qilgayman havas.

O‘ylasam  Axtamquli, yoshlik bahorimning guli,

Yog‘sa mehrim hosili, mardona qilgayman havas.

AXTAMQULI