Toshkent shahar Uchtepa tumanidagi 296-maktabda tashkil etilgan “Kitobxonlik” to‘garagi a’zolarining mashqlarini ijodiy tar­g‘ibotchi Ochil Tohir tavsiya etdi.

Onajonim yagonam

Qiyosi yo‘q insonim,

Haqdan buyuk ehsonim,

Umrimga soyabonim,

Onajonim yagonam.

Behisht-u rizvonimsiz,

Hayotda posbonimsiz,

Siz bitmas dostonimsiz,

Onajonim yagonam.

Aziza YUSUPOVA,

6-“A” sinf o'quvchisi

Chinor

Sen ming yoshli chinorsan,

Xuddi ko‘hna minorsan.

Ko‘p yillarga guvohsan,

Doim hushyor, ogohsan.

Gul, mevang yo‘q bo‘lsa ham,

Odamlar qadring bilar.

Do‘stlar o‘zaro mudom,

Sening umringni tilar.

Sevinch ABDUNAIMOVA,

 6-“G” sinf o‘quvchisi

Vatan

Hur vatanim tug‘ingni,

Ko‘targayman quchib shon.

Otash mehring cho‘g‘ini

Qalbda saqlarman, ishon.

Osmon qadar g‘ururim,

Men yurtim erka qizi.

Ichga sig‘mas sururim,

Kuldi tolem yulduzi.

A’lo o‘qish – vazifam,

Oldim zimmamga yuklab.

Bordurman safda men ham,

El-yurt ishonchin oqlab!

Aziza ABDULLAYEVA,

6-“A” sinf o‘quvchisi