Qalbimda iztirob, ming dard-u alam,

Seningchun tebranar qoʻlimda qalam,

Garchi oʻzga yurtda sulton boʻlsam ham,

Sogʻindim, sen tomon talpinadi jon,

Meni quchogʻingga olgin, Andijon!

Yurt ishqi qalbimni ayladi ado,

Yuragim tubida yangrar bir sado:

Roziman, yurtimda boʻlsam ham gado!

Sogʻindim, sen tomon talpinadi jon,

Meni quchogʻingga olgin, Andijon!

Shahnoza NURILLAYEVA,

Buxoro viloyati Shofirkon tumanidagi

3-maktabning 10-sinf oʻquvchisi