Maktabimga keldi ajoyib inson,

Harbiycha kiyimda, boʻylari tikka.

Koʻksini bezagan qirrali nishon,

Barchamiz havas-la boqamiz unga.

Gapirsa, soʻzida ibrat, magʻzi bor,

Yaxshi ustoz boʻlib qalbga topdi yoʻl.

Bilimga, tartibga chorladi bizni,

Savollar qiynasa, javob berdi moʻl.

Sharafli kasbi bor, sodiqdir elga,

Hammaga oʻrnakdir, qilgan ishi soz.

Koʻp yillar Vatanga koʻrsatgan xizmat,

Shu sabab mehnatdan topmoqda eʼzoz.

Deydi, siz Temurning nabiralari,

Mard, jasur boʻlingiz oʻqishda, ishda.

Koʻzida qatʼiyat, jasorat, shaxt bor,

Talab va mehr bor uqdirishida.

Mayor ustozimga mehrimiz baland,

Ayniqsa yigitlar qildilar havas.

Vatanga xizmatni bilishdi sharaf,

Qadamlar botirga monand basma-bas.

Sevinch MIRPOʻLATOVA,

Toshkent shahar Yunusobod tumanidagi

267-maktabning 7-sinf oʻquvchisi