Mening bitta singlim bor,

Koʻngli bahor, begʻubor.

Kiprikchalari maysa,

Olam kular jilmaysa.

Juda tiyrak va zukko,

Bobom derlar, “Donoqush”.

Tili shirin va burro,

Chiqarar doim bir ish.

Dadamning “ayfon”larin,

Bilmagan joyi yoʻqdir.

Kezi kelsa oyimga

Oʻrgatib qoʻyar, shoʻxdir.

Kech tushganda oʻrniga

Yotqizib qoʻgʻirchogʻin,

Onamdek alla aytib,

Uxlatar oʻyinchogʻin.

Barnoxon ROʻZIYEVA,

Buxoro viloyati Gʻijduvon tumanidagi 28-maktabning 8-sinf oʻquvchisi