Yurtimda toʻrt fasl bor,

Bir-biridan ziyoda.

Yoz, kuz, qish hamda bahor

Gir aylanar dunyoda.

Qishda yogʻar oppoq qor,

Quvalashib samoda.

Bahorgi yomgʻir esa

Jilolanar havoda.

Yozda mazza, yozda soz,

Choʻmilamiz anhorda.

Oftob nurini toʻkar

Hosilga toʻlgan boqqa.

Kuz kelganda bogʻimiz

Boʻlar misoli jannat.

Pishib yetilar turfa

Xildagi noz-u neʼmat.

Saxovatlisan oʻlkam –

Fasllar qonib suygan.

Fasllar bu mehrni

Aslida sendan olgan.

Mehrangiz YANDASHEVA,

Buxoro viloyati Gʻijduvon tumanidagi

32-maktabning 6-sinf oʻquvchisi