Favvora tinchlik ramzi,

Suv taratar har yonga.

Ajoyibdir jilosi,

Xush yoqadi insonga.

Yozning qaynoq taftida

Favvora berar salqin.

Undan orom olaman,

Suvin purkaydi jo‘shqin.

Dilga huzur baxsh etar

Bu ajoyib favvora.

Ularga boqib turib,

Mehrim oshar tobora.

Favvoralar aksida

Nur yog‘dirar kamalak.

Tomchilardan zavq olib

She’rlar bitmog‘im kerak.

Bizni hayron qoldirib,

U chaladi musiqa.

Favvora tomchilari

Raqs tushar antiqa.

Qatrasida hayot bor,

Misli olmos, betakror.

Angladim favvorada,

Sirli bir go‘zallik bor.

Ilyos DAMINOV,

Toshkent shahri Yashnobod tumani

30-maktab 6-sinf