Gar Vatanni bir osmon desak,

Biz undagi mitti yulduzlar.

Bilim olib shahd bilan yursak

Yorishgaydir kecha-kunduzlar.

Gar Vatanni ulkan bog‘ desak,

Biz undagi mitti nihollar.

Bo‘y cho‘zamiz ko‘kka biz sergak,

Armon bo‘lmas orzu-xayollar.

Gar Vatanni bir dengiz desak,

Biz undagi mitti tomchilar.

Yashash mag‘zin poklik deb bilsak,

Hayot tutar gul-u rayhonlar.

Diyora TOG‘AYEVA,

Toshkent shahar Uchtepa tumani

78-maktab 7-sinf