Fasllar almashar birinma ketin,

Har fasl o‘z ko‘rkin etar namoyon.

Biri ko‘ngillarga berar orom-tin,

Biri qalbning torin chertar nogohon.

Har fasl o‘zgacha ajib bir hisli,

Har fasl jilosi kamalakka teng.

Tabiat bizlarni siylagay asli,

Olamning shundayin ochiq, ko‘ngli keng.

Almashar har fasl navbati bilan,

Daraxtlar libosin yangilab har on.

Dillarga zavq berar savlati bilan,

Chiroyin namoyon etar har tomon.

Farangiz ABRUYEVA,

Toshkent viloyati Yangiyo‘l tumanidagi

9-maktabning 9-sinf o‘quvchisi