Novda ochganda kurtak

Berar hosildan darak,

Balki bogʻbon boʻlajak,

Ayt-chi, kim boʻlmoqchisan?

Shodlik baxtga hamnafas,

Qalbingda oliy havas,

Yetuk olim, yo zoʻr shaxs,

Ayt-chi, kim boʻlmoqchisan?

Koʻksi uzra faxr-shon

Toshib uradi javlon.

Ertangi Oʻzbekiston,

Ayt-chi, kim boʻlmoqchisan?

Baxtli bormi sendayin,

Orzuga yoʻqdir ayb,

Kun keladi ulgʻayib,

Ayt-chi, kim boʻlmoqchisan?

Xudoyberdi TOʻYCHIYEV,

QarshiDU 2-bosqich talabasi