Bolakaylar o‘ynashar

Tap-tap urishib yerga.

Bechorani qiynashar

Tepishib birga-birga.

Bolalarni sevar koptok

Shunga qochib ketmaydi.

Do‘stga shodlik ulashish,

Bunga hech ne yetmaydi.

Ertakmi yoki sehr

Buvim ertak aytganda,

Darrov uxlaydi singlim.

Men ham ertak eshitsam,

Boshqacha bo‘lar ko‘nglim.

Nega ertak tugamay,

Uxlab qolamiz axir?

Balki ertak bag‘rida

Yashasa kerak sehr.

Gulshoda QURBONOVA,

Buxoro viloyati Vobkent tumani