Assalomu alaykum! “Gulxan” jurnali saytiga xush kelibsiz!

Saytimizda bir-biridan qiziqarli maqolalar, hikoyalar, ertaklar va she’rlarni o‘qishingiz mumkin. Turli fanlarga oid ma’lumotlar bilimlaringizni yanada boyitishga yordam beradi!

Millatga ilm kerak

“Jaholatga qarshi kurashmoqning eng

kuchli vositasi kitobxonlikdir”.

 

Kim edik biz, kim boʻldik, bugun biladi dunyo,

Maʼrifatning quyoshi el uzra sochdi ziyo,

Jaholatning botqogʻi butkul koʻmildi, lekin,

Sen doim ilm ista, millatga ilm kerak!

 

Jaholat bu – razillik, oʻzligin unutmoqlik,

Oʻz yurtiga sadoqat tuygʻusidan kechmoqlik,

Maʼrifatga intilish – komillikka yetmoqlik,

Sen doim ilm ista, millatga ilm kerak!

 

Maʼrifat ne desang, bil – maʼnaviyat choʻqqisi,

Ular doʻst-u qadrdon, hech ajralmas ikkisi,

Agar bilmoqchi boʻlsang har ikkisin maʼnisin,

Sen doim ilm ista, millatga ilm kerak!

 

Loqaydlik, beparvolik solar boshga balolar,

Jaholat – inson umrin kushandasi bilsang gar,

Dorilamon kunlarni yoʻqotmak istamasang,

Sen doim ilm ista, millatga ilm kerak!

 

Loqaydlardan yiroq boʻl, gʻaflatda qolma inson,

Beparvolik chorlasa, bu yoʻlda boʻlma mehmon,

Ziyo istab, nur istab, hamisha boʻl kitobxon,

Sen doim ilm ista, millatga ilm kerak!

 

Kitobxon boʻl, olim boʻl, dunyo boʻlar seniki,

Temurxon-u Ulugʻbek, Navoiylar kimniki?!

Buyuklarning beshigi – shu Vatan oʻzbekniki

Sen doim ilm ista, millatga ilm kerak!

 

Barno ROʻZIYEVA,

Buxoro viloyati Gʻijduvon tumanidagi

28-maktabning 8-sinf oʻquvchisi

2016–2023 © “Gulxan” jurnali tahririyati. Barcha huquqlar himoyalangan. Saytdan ma’lumot olinganda manba ko‘rsatilishi shart.