Ustozlar

Tafakkurga yetaklab bizni

Ongimizga sochadi ziyo.

Ravon qilib yo‘llarimizni

Har so‘zida o‘zgacha ma’no.

Quyosh kabi issiq kaft ila

Ezgulikka chorlaydi bizni.

Madaniyat, ma’rifat deya,

Muhabbatga to‘ldirar dilni.

Mehr-shafqat unda mujassam,

Oq bulutdek sofdil, beg‘ubor.

Aql-idrok tengsiz bo‘lgan jam,

Komillikka aytadi izhor.

Baxt qushini qo‘ndirib boshga

Ma’naviyat sari yuksalar.

Iqbol tilab har o‘smir yoshga,

Har odimin maqsad-la tashlar.

Bugun bizlar yoshgina nihol,

Mag‘rur turib aytamiz shuni:

Shogirdlikka yetkazmay zavol

Ulg‘ayamiz yetib bir kuni.

Qishlog‘im

Ona qishlog‘im “Qatlos”

Ko‘rkam, go‘zal naqadar.

Boshida porlar quyosh,

Tog‘lari osmon qadar.

Odamlari mehnatkash,

Dasturxoni to‘kindir.

Bog‘lari mevaga boy,

Risq-u ro‘zi butundir.

Ariqlarda suvlari

Jilvalanib oqadi.

Kelib ko‘ring, qishlog‘im

Barchangizga yoqadi.

Oynur AZIMOVA,

Qashqadaryo viloyati Kitob tumani 65-maktab 7-sinf