Hayot yoʻllaridan ketdik izma-iz,

Umrni toʻxtatib boʻlmaydi hargiz.

Bir ovoz chaqirar ortimdan unsiz,

Negadir ortimga qaragim kelmas.

Mayliga, men haqda gap tarqalsa ham,

Mayliga, deyishsa dangasa, begʻam.

Hatto bitta joyda depsib qolsam ham,

Negadir ortimga qaragim kelmas.

Asli nima bordir mening ortimda,

Rosti, bilmasman lek doʻstim yonimda,

Balki istiqbolim kutar oldinda,

Negadir ortimga qaragim kelmas.

Ibrohimbek BAHODIROV,

Samarqand viloyati Qoʻshrobot tumani

85-maktab 8-sinf